標題:
旺角太平正一係禽獸不如既診所
[打印本頁]
作者:
教主櫻
時間:
2009-2-23 17:40
標題:
旺角太平正一係禽獸不如既診所
旺角太平, 大家都知道佢係一間24小時既醫院, 好唔好就真係見人見志, 但我真係好想知道, 喱一間動物醫院係囉住一個咩信念去行醫呢? 真係為咗錢定係一夥愛心呢?
話說上個星期五, 我有個朋友仔帶隻貓仔去沙田睇獸醫, 病症係唔知點解特然生咗好多紅色既水pot, 但係, 沙田既獸醫話個係肺穿lone, 病情好嚴重, 醫務所既設備唔係好夠, 所以介朋友仔去睇一d大型既診所, 朋友仔楝咗旺角太平, 當搭的士時, 朋友仔已經喊晒, 連貓仔既情緒都好不穩, 好彩, 的士司機都係養貓之人, 用好多說話安撫朋友仔, 到達既時候, 的士司機叫朋友仔快d去帶隻貓仔去睇咗醫生先, 唔好掛住比錢住, 朋友仔一入到太平, 即係惡夢即將開始, 首先... 當我朋友仔放隻貓仔出嚟時, 發現貓仔全身都係紅色既水pot, 3-4個護士圍住朋友仔, 絶對唔係安慰朋友仔, 係話, 你隻貓好嚴重喎, 你先要比3千蚊同佢照X-ray先, 再唔快d, 貓仔就會死架啦, 當時朋友仔係得一個人, 赫到半死, 但d護士講來講去都係錢, 的士司機見到情況唔對, 入咗嚟診所, 話, 錢一陣先比, 你哋救咗隻貓先啦, 跟同貓仔先吊嚴水, 好啦, 喱一d錢都預咗要比, 隔咗一陣, 就話同貓仔照完X-ray, 以為入去見醫生啦, 入到去, 有一個男仔坐咗係度, 先話自己唔係醫生, 佢話, 貓仔情況好唔得, 因為佢肺穿咗, 宜家同佢吊緊嚴水, 但係星期一先有醫生睇, 咁你要將貓仔留係度, 跟住又有3-4個護士走入嚟, 同朋友仔講住院一日要幾錢, 醫藥費又要點點點.... 講完一大輪, 朋友仔都唔知道點算, 護士見我朋友仔猶疑, 就立即話, 如果你唔比錢, 我哋就拔喉, 貓仔就會死, 朋友仔立即打電話去比老公啦, 朋友仔老公立即到, 又有3-4個護士走嚟同佢講, 快d比錢, 如果唔係就拔喉, 既然咁嚴重, 朋友仔都唔想救啦, 唔想貓仔辛苦, 跟住d護士就講賓義既錢, 但當然地朋友仔將貓仔帶返屋企, 無耐, 貓貓就走咗
但係喱一件事上面, 我覺得生離死別係必然, 但動物都係一條生命, 點解咁大間既動物醫院都係咩都係講咗錢先, 有錢就有得救, 無錢就無得救呢? 24小時既醫院, 點解會星期六同日會無醫生呢? 咁叫24小時咩...
到我朋友仔走既時候, 啱啱有一隻狗仔入嚟睇, 朋友仔聽到又係肺穿lone, 係唔係真係咁多小狗小貓肺穿lone呀...
當我一路聽, 一路氣憤, 幸好, 小寶睇既醫務所唔係咁, 感謝主
作者:
電車迷
時間:
2009-2-23 21:32
r.i.p.
作者:
牌boy
時間:
2009-2-24 11:31
你初初係咪去咗沙田嗰間"green十字"呀? 呢間嘢個女醫生
"廢到嘔"架, 各下重要連續碰上兩間冇人性嘅診所... ...! 只
可以講句唔好唔開心, 同埋起碼貓仔可以喺各下身邊去, 總
好過喺貓仔去嗰時唔喺各下身邊吧!
作者:
Szeylli
時間:
2009-2-24 15:13
呢間太平道XX診所, 我都領教過!
以前佢未發圍時, 都有d好醫生, ok 架! 但自從搬左, 做到好有規模時, 商業味就好重喇! D新既醫生同姑娘就好似做到好麻木咁, 絕對稱不上有愛心!
話說上年夏天時, 有朝(約7:00幾) 我個大仔比黃蜂之頖既昆蟲針親, 我驚有毒, 所以咪即刻去太平道 XX診所睇急症囉! 去到同個登記姑娘講出事發情況同沿途狗狗既反應, 點知佢整句過黎 “睇急症要起碼 $1200, 有無問題??”, 我既感覺係咩都以錢掛帥, 而且我亦無問幾多錢! OK, 由於我愛子深切, 幾錢咪幾錢囉!
好喇, 入到診療室, 見到一個十分之年輕貌美既醫生(有點像利嘉兒)同一個青春少艾既姑娘, 個醫生由頭到尾只係坐係張椅度好求其檢查, 而且個姑娘只係好似碌木咁企係度, 唔會話從旁HOLD 住狗狗, 個醫生仲話 “主人自己HOLD住隻狗”!
佢只好簡單咁睇下, 之後打左支抗敏感針, 比左 D 消炎藥就打發我地走! 感覺一 D 都唔專業.
作者:
homegirl
時間:
2009-2-24 15:13
咁PK.....未即係２４小時呃錢獸醫診所？
D姑娘都好PK
我當年失業時，見過一間獸醫診所，人工雖然低，但自己愛狗，既工作於興趣都OK,但見工時，個主管也暗示我要同客講要驗血等等，比我FEEL到呃錢LO.
最後沒有應承去做了
我都見過吾少醫生，但一講到問他可吾可以計平D,因每次睇都坐低６０００，大單野，原本個醫生好好笑容架，一講姐［可吾可以平D]，話樣即刻變晒，不知幾樣衰。
之後的，呃錢都算了，仲害死埋我的仔女。。。。。嗚嗚［荃灣獸X診所］
現在我只信非牟利，大平咁PK,大家一定要同有養寵物的朋友講吾好去
作者:
天才非非
時間:
2009-2-25 16:13
奇實真係睇好唔好釆
之前我有隻poodle囡囡
佢手腳軟晒,就快抽筋
幾個護士即刻抱佢入去,跑黎跑去(好似有人暈左咁,勁誇張)
我地就係間醫生房到等啦
因為佢temperature過低,血糖又低
所以佢地問都無問就幫佢吊鹽水,打針,比埋暖水袋
之後仲開罐頭比佢食
跟住我地先坐係房到慢慢傾錢,佢做咩個d br
我覺得間野幾好呀
我見好多人去睇醫生
不過真係要睇釆數
有d醫生好好.有d醫生真係唔太掂
作者:
LTprus
時間:
2009-2-25 17:12
我走左果隻囡囡都係睇佢..同你既情況差不多..我最初都係大圍果個..一向睇開都知佢幾好..但試過一次我隻囡眼仔有事..大圍果間搵左幾個醫生黎睇都唔知係咩病..之後佢見意我轉介去太平道診所.之後醫好了隻眼..咁我一心諗住佢信得過啦...就一路睇佢..試過幾次我隻囡晚上特然成身無力...我就立即飛的去睇夜診...就係所講果d 診金$1200...之後抽過晒血又話check唔到有咩問題..只係叫我先同狗狗回家睇下佢既情況點...但幾次都係陪左狗狗一晚第二日就正常返...之後又一次.又係最後一次...我隻囡晚上忽然呼吸唔順好急速..所以又係要睇佢..因為佢24小時..去到最初都無人理..又會要排隊..之後個鬼佬醫生望到我隻狗情況不太好立即出黎帶我隻狗狗去吸氧氣..過了一會都係無咩好轉..之後check過血 和x-ray 知道係心臟出現問題...另外又肺即水..因為我隻狗狗好老...跟過左一輪又話要即比錢做手術...當時我都係好亂同埋救到就緊係救啦..最後我隻狗狗未做手術時就離開左我了..!!經過呢次我都仲未覺得佢有幾唔好...之後我又買過另一隻狗狗..買果時又係帶左佢去呢間你body check...一心諗住check 完無病可以安心..仲叫左我打左支咩針..係幫狗狗有抵抗力...點知回到家中第二日就唔太好..唔多願食..之後經呢個網介紹左去另一間再做多次body check...話我隻狗狗有肺炎..另外仲check到狗狗''波羅蓋''係先天移位..大個後可能要做手術...所以過了這次我已經以後唔會再去呢個睇!!!
作者:
大王
時間:
2009-2-25 19:50
下........但我隻狗狗要去太x道到做MIR播...d人又話Dr. Lu好好的???
吹水架?
作者:
機翼
時間:
2009-2-25 21:28
太平..無咩良心
歡迎光臨 UFunFun 討論區 (http://www.ufunfun.com/)
Powered by Discuz! 6.0.0
