被好友森美封為少年食神的Michael,一向愛食識食,為求在泰國捐窿捐罅吃得更好,他更學得一口「搵食」泰文:「最緊要識講『阿萊』(好味)和『夾凳』(埋單),好好用o架。」Michael在酒店邊吃早餐邊說,隨即叫我們動身,出發往Or Tor Kor街市實習。
Or Tor Kor街市就在著名的翟道翟市場對面,內裏乾濕貨熟食檔齊全,空間寬敞通爽、光猛清潔,仲要熟食都是平靚正:「泰國主婦都來這裏買餸,熟食自不然要夠水準,自己煮也比它好吃的話,還有誰來幫襯?」Michael尤其喜歡逛第一排熟食檔,從第一檔生果凍開始,一路邊行邊吃手臂咁長的燒肉,再試吃排滿一山的金枕頭榴槤,未坐低已經塞飽半個肚。