UFunFun 討論區 - Powered by Discuz! Board

標題: 彷似一個人的生活 [打印本頁]

作者: Stux 時間: 2009-2-19 07:01 標題: 彷似一個人的生活

我地本來性格就一個凹一個凸. 食野口味上又完全唔同.

但呢幾年間(近5年)，他改變也太大了:

他變得非常保護自己

不再跟我卿卿我我, 記憶只有大家生日那天講了幾句甜言蜜語, 近幾年夫婦亦好少好少行埋, 多數係我主動添 , 一個月一次到(佢又冇問題既喎)....唉 !!

等了多年, 上年尾找到工作,開始付家用 , 但他點解會找一份係接近退休人士做的工作....... 都唔重要, 因為份工工資好低下,又要車費食飯, 佢仍比我4成作家用, 所以我感動的(雖然家用供樓也未夠, 算.....收入少嗎. 我過去現在為家付出的家用可多他好多....)

結婚多年, 一點心意錢禮物都冇比過我媽媽, 我地結婚時好簡單, 冇禮金冇擺酒.
他從前抗拒上我家, 近7.8年更沒有上過我娘家.我同家人已習慣這個問題. 我媽媽係易相處又大方的人.

從來抗拒出席我與好朋友之間聚會, 過去現在他自己可算是冇一個朋友的.

從不與我討論生兒育女的問題, 換屋的問題(現住層樓太細了,買了十多年 ).我提出佢就話: 唔好攪咁多野啦, 依家冇地方你住咩 ??? 生仔你估咁易 ????

........................................

作者: Stux 時間: 2009-2-19 08:40

因為我好細個認識佢,亦係初戀 , 拍拖耐左,就結婚,買樓 .......
從前我地去下街, 食下野,旅行,釣魚, 佢亦會間中接我放工. 出量交晒比我, 1/3 人工作供樓家用. 另外2/3 我會存番入佢自己既戶口.......
今日.........冇晒 !!

前三年左右, 我瞞住朋友家人自己搬出黎住過半年冷靜, 後因一些事我搬番去.
今日我地冇嘈交, 冇冷戰,咩事都冇發生, 但.......我自己發覺個心開始痛, 想起自己既婚姻我就眼濕濕, 生活就係咁落去?我知道委屈左自己, 虧欠左自己, 我係脾氣性格上, 外型上, 工作方面都唔錯. 但上天就安排左呢位人兄做我伴侶???

作者: adradr 時間: 2009-2-19 09:45

上天安排左一堆選擇俾妳,有好有壞,之後妳揀左佢je ...
樓主,人生就係一定有起有跌, 妳前段幸福過,之後會辛苦,正正就係人生....有人後生時冇妳體驗過ge幸福, 後來卻越行越順 ,妳可能覺得先苦後甜仲好,但先苦後甜ge人,又會覺得,佢後生時ge辛苦做成了遺憾..可能暗地裡,佢羡慕妳呢種pattern..
又調轉講,佢完全對妳冇哂興趣,都夾硬要同妳上床,唔係都好慘咩?
都然,依家可能有人覺得妳好好,好希望同妳一齊,對妳好,唔想妳委屈...但如果妳對對方冇feel, 妳會點對人呢?

作者: godgod 時間: 2009-2-19 10:46

Ｆｅｅｌ　到你睇唔起你老公
咁又係既　有邊個想自己個老公咁後生就做保安吖
我諗你既問題係太早結婚

作者: 笨晴 時間: 2009-2-19 10:50

樓主, 好好安排吓自己既生活啦! 豐盛人生係要自己掌握架! 儘量同伴侶傾吓有無得改變, 否則, 亦要陳重後生自己打算啦!

作者: 盲公開眼 時間: 2009-2-19 11:35

睇唔起身邊既人....
真係好難搞
不過, 你自己處理好自己既生活先
既然無溝通, 你就好好諗下你理想既生活要係點
工作上又要點
再睇下佢夾唔夾到落去

作者: 小生有禮 時間: 2009-2-19 11:51

你地又唔係第一日識就結婚

依家先來怨呢樣怨0個樣?

會唔會有0的攪笑呢?

以前就話盲婚啞嫁無得選擇所以怨天怨地

依家自由戀愛自己選擇返來既又怨天怨地

咁你有無想過自己到底想點呢?

歡迎光臨 UFunFun 討論區 (http://www.ufunfun.com/)