UFunFun 討論區 - Powered by Discuz! Board

標題: 社會主義係白痴制度 [打印本頁]

作者: 朋友引線 時間: 2009-4-19 21:09 標題: 社會主義係白痴制度

話說貧道有位親戚計劃搞投資移民來港。。。。根本資本投資者入境計劃﹐申請人需要在剛投資滿六百五十萬即可獲得香港居留權。。。。貧道親戚見香港樓市西芹滑屬意賣樓。。。。鎖定目標為奧運﹐九龍站上蓋物業﹐貧道先後跟地產代理參觀帝柏海灣跟一號銀海兩個藍籌樓盤。。。。帝柏海灣跟一號銀海AB室面向維港單位售價高達一千多萬。。。相反背海單位只需六百多萬﹐價錢相差一倍﹐帝柏海灣面積比公屋還不算太使用。。。坦白講帝柏海灣的景觀跟南昌村向海單位其實相差無幾。。。。有無搞錯喇。。。。。貧道花成千萬買一個向海單位。。。。只能勉強望見半個維港。。。。景觀還不及一個公屋單位﹐你地話公唔公平先﹖ 果D新移民一來港就入住新型公屋﹐日日望海﹐領取綜援﹐又唔使返工﹐日日去社區中心跳舞打牌。。。。X@@喇

呢D咪香港搞社會主義的後果咯﹐好似社民連果D垃圾議員日日話要為基層打拼。。。。幫基層爭取權益﹐又話要爭取公屋興建在地鐵上蓋﹐又要公屋有無敵大海景﹐好似葵涌某公屋設有空中花園﹐天晴村就有哥爾夫球場﹐有無搞錯喇。。。。買樓從來都係一份錢一分貨。。。。將貨就價錢。。。。有錢就望海景﹐無錢就望對面樓。。。你窮只可以怪自己無本事﹐但不應該透過政治手段剝奪富人利益。。。。坦白將﹐依家果D公屋越起越正。。。。環境好交通有方便。。。。。已經逐漸跟私樓看齊。。。。後生一般根本不會買私人樓。。。。尤其是現在的市道根本沒有錢去賣﹐結果人人申請公屋。。。。香港的房屋政策是靠私樓補貼公屋﹐公屋越起越多﹐根本沒有私樓可以補貼。。。。房地產佔據香港產業的很大比重。。。。政府都靠買地收入賺錢﹐越起公屋只會動搖香港產業結構。。。。

只有不明所以的人才會大喊社會主義

作者: fanatic 時間: 2009-4-20 03:11

中產既人,你唔明好多野
你表面睇佢地可能好風光,唔洗做
但你睇度唔洗做個班人未必係拎緊政府糧囉
佢地既老公係出面辛辛苦苦做野你又點知?
同埋呢個世界窮人愈窮,富人愈富
能力同財富係極端式既正比
而為左收窄呢個差距先有呢種制度既出現
如果你咁話佢地,你唔諗下高產人士又點諗中產同低產?

作者: Q叮 時間: 2009-4-20 10:04

我可以講的係
樓主資本主義中毒
一句靠自己就大晒

再者
係咪望海境的樓就一定好?
只係社會建構出嚟的形象

以前係咪靠雙手就可以搵到食我唔知
但係今時今日
我膽敢講一句
一定唔係

中產人士
等閒落下區睇下低收入人士同基層市民點樣生活先再講喇

不過
政府對新移民的政策的確係離譜
點解香港市民申請綜緩又要審批呢樣審批個樣
但係新移民一落到香港就即刻拎得
仲要拎得多過港人

作者: 一定偏愛 時間: 2009-4-20 11:46

大佬  要改善生活除左要自力更生  仲要社會配合
假設社會上有依兩種intrepretation:
maximise社會as a whole既利益
maximise個人既利益  個人無需要為社會作出貢獻

我唔知支持基層不勞而獲有幾咁禍害, 我剩係知對社會有承擔既人就唔可以忽視社會任何一個基層既存在性, 畢竟所有野都有一種平衡存在.
富商又好,中產又好,一味話自己白手興家既人又好,  你估社會完全無為過你做任何野?

依篇回覆完全唔係為左支持資本或者社會主義
只不過我覺得樓主只係認為自力更生既野"間接"要幫助貧窮市民好唔抵  我唔想幫我唔想承擔你無權逼我
再係依種理念既背後, 認為社會應該再做D野, 幫助番你, 因為你對社會有貢獻, 你有交稅, 你態度好好

基本上換個角度睇, 人地都無叫你貢獻社會, 又無叫你自力更生, 可能係你自己一廂情願要咁做
到頭黎你咪又係想社會回本番俾你

再聲明, 我對依兩種睇法絕對中立
畢竟哲學一向都無絕對既答案, 只有更好更好既解釋辨證

作者: 一定偏愛 時間: 2009-4-20 11:47

岩岩edit左-_-

我只係想講唔應該以極端既方法睇依兩種主義任何一方都唔好

而且我個人認為係香港既制度問題都好重要..
基本上福利人員好多人都係白日夢式工作, 審批唔經大佬, 之前睇新聞睇星期X檔案都睇得多

歡迎光臨 UFunFun 討論區 (http://www.ufunfun.com/)