我一定會大鬧一場鬧醒佢為止, 你絕對唔可以因為佢專制而乜都聽晒佢話
咁樣只會越就越衰, 佢越嚟越過份, 其實你哋點解要買佢怕啫
我老豆一向好顧家, 但都好係專制, 好大男人, 唔做家務, 退咗休都係咁
唔錫阿媽, 事事都係阿媽就佢
但我阿媽一樣有惡0既一面, 唔會就佢就到貼晒地嗰隻, 到咗忍無可忍時
我老豆都知驚0架, 佢一向係個好老豆, 所以我哋做仔女都好少出聲 "訓示"佢
但後來我長大咗, 有次佢又咿咿哦哦吟我媽咪, 我終於忍唔住
將咁多年嚟佢對媽咪0既不公平講晒出嚟, 佢當時都冇聲出
只有尷尬咁笑笑口,
你己經有頭家, 有子女要供養, 冇可能仲要養埋佢哋 "成個家"
你都要為自己著想, 你可以同你老豆講, 叫佢哋申請生果金, ,
生果金係老人家應得0既回報, 大把有錢佬都一樣申請, 與綜援唔同,
無論佢兩老申唔申請都好, 你以後都照扣兩千蚊家用
至於你家姐, 有乜理由十幾年都搵唔到嘢做呀 ?
係咪佢自己唔肯屈就一啲低下層工作, 例如清潔嗰啲先 ?
如果係, 你都要同佢講, 你冇責任養埋佢, 你己經有自己一個家
亦有仔女要養, 有乜理由佢坐係屋企十幾年唔做嘢, 要你養埋佢0架
如果佢再搵唔到嘢做, 就去申請綜援, 自己搞掂自己
亦唔洗經過老豆同意, 無論佢申唔申請都好, 你都唔會再畀錢養佢
呢啲咁蠻不講理又專制0既老豆, 呢啲咁不負任0既家姐
我寧願同佢哋一刀兩斷算數, 暗地裡同媽咪來往, 照顧吓佢算
或者接埋佢走返屋企住, 以後外家唔返
你身份唔只係佢哋家人(女兒 , 細妹)
你身份仲有 "係人哋老婆", "係人哋阿媽" 你唔洗理佢哋咩
你要佢哋為咗個咁野蠻0既家族而要佢哋犧牲埋一份咩
咁對佢哋好唔公平, 就對佢哋唔住,
就算係一家人, 都要以智慧去面對親情, 以理性去面對家人
唔係事事遷晒佢就搞掂,
應該要互相遷就, 互相忍讓, 互相疼錫, 一定要互相, 絕對唔可以單方面
