就廿分鐘前, 小弟去葵涌廣場數x通門市想查詢有關手機寛頻計劃, 本來我個plan 仲有 6 個月就到期, 一心都想轉台... 但剛剛買左部 E71 用, 個心痕痕地想玩下手機modem 駁notebook上網. 於是入門市查詢一下... ok~  $50 有50MB 唔算多, 但諗住玩六個月...  點知話join 時先同我講要簽 15個月. 咁我咪無啦啦要加監留響呢個又貴又一般既台度多 9 個月?!  我同個sales 講下... 咁我想轉台點算?! 唔通可以淨轉voice, data plan 繼續 undertake 15 個月? 個sales 見到諗野就問 (精彩咯!!) :

sales: 點解想轉台呀? 我地個台又好, 話音又清, 唔使轉丫!
本人: 但係我身邊既朋友都係用 1010 喎, 我想同佢地視像
sales: 用我地都一樣可以視像
本人: 但係同台視像平d, 有個加 $8 plan 可以同五個 number 無限視像
sales (停左五秒): 拿, 我話你聽丫... 1010 個quality 唔好架, 佢地買左d 2G network, 淨係俾個2G network 你用架咋, 佢地唔會俾3G 你用, 2G 質數又點會好過 3G 呢?
本人 (扮到好似白痴一樣): 下, 乜咁架..... 咁我再諗諗先

我一行出門口即刻 o 咀, 我決定penalty 都離開呢個台唔用!! 呢個sales 好瘦, 四眼, 中間分界+ 19幾年前郭富城髮型!  小心俾佢呃呀~

唔係親身經歷過都唔知數x 通做野咁低裝!! 其實我真係覺得好好笑, join 1010 可以俾2G 我用, 大佬呀, 我俾3G service plan, 手機亦好清楚可以顯示用緊data 時係 3G, HSPA, EGPRS, GPRS... 咪當消費者係白痴, sales 先係高智慧人類先得架~  其實我仲問左一樣野, 我問 +$50 有冇話係 3.6M 定 7.2M 又或者 10.1M HSDPA. 佢話"你手機去到幾多個network 就俾幾多".  我當時都講左一句 "有冇咁so 呀" ! N記就出一部 10.1M HSPDA 機, 如果我真係用佢, 係咪真係俾到咁快先! 就因為呢個sales 既錯誤引導 , 我對數X 碼失去一切信任... 決定罰款都轉台, 仲會叫身邊用數x 通既人轉.... 極度失望