我今日去旺角信X商場地庫某間由肥叔叔開的只賣古典音樂CD的鋪頭, 睇睇下CD無啦啦畀肥老闆趕出去, 我出去一陣子後, 老闆就鎖了門又行出了鋪頭, 原來佢去了隔離鋪頭吹水  ..............其實這已經不是第一次了, 以前都試過畀老闆趕出去, 試過幾次, 老闆見到熟客光顧, 就會好大聲話:"閂門呀", 趕哂店舖裡面嘅客人出去, 然後就自己閂埋門同個熟客吹水, 自問之前都同佢咗好多CD, 差不多都有幾千蚊, 又唔係混吉, 點解老闆要咁對客人呢, 今時今日咁嘅服務態度真係好差, 請問大家有冇同樣的經歷?

呢個肥老闆, 我同佢買嘢時, 佢就好好禮貌, 四萬咁口, 唔同佢買嘢嗰次, 佢就黑口黑面, 眼超超. 有時佢明知有人係門口等佢開門, 佢都當睇唔到, 閂埋門係裹面唔知做咩.

呢d鋪頭, 冇生意拍烏蠅攪到要執笠ge時侯, 唔好怪人唔同你買嘢, 唔該你地自己檢討下自己點對客人.

hmv 水準比以前都差左好多 lor

講真, 如果個老闆 / 店員服務態度好, 又識嘢, 你同佢買嘢, 雖然有時可能明知貴d, 你都覺值得, 佢又賺到錢, 你又買到心頭好, 大家又可以交流心得, 一舉幾得啦.