老蕭志在 sound bite, 不會理會其他, 上次致譚香文公開信如是, 今次致特首公開信亦如是, 同佢拗咀, 講道理完全無用, sound bite 已成, 佢唔會理你講乜 (例如話佢性別歧視, 話佢講粗口), 你鬧佢, 佢仲開心, 越嘈越有 sound bite.
對付佢, 我認為最好係以佢之道還佢身, 先前呢度有網友提議集思廣益, 撰稿寫封<給老蕭的公開信>, 我認為用特首----當然係用諧音----名義回應老蕭最好, 用番老蕭文筆, 你老蕭草民呀嗎, 我老曾就大玩官威, 對蕭草民呼呼喝喝, 責備佢粗口爛舌, 教壞人網會員, 教壞子女, 他日難免有無知會員, 甚或他的子女效尤, 以「臭西」、「粉腸」喻他的妻子或子女, 到時香港人網與蕭家, 一片「軟柒與硬九齊飛，撫能共摷西一色」(對比老蕭原文:「六七與岸九齊飛，含能共賴西一色」, 回應稍為雅些少, 明寸老蕭鄙俗), 則香港人網笑死人矣!
鬧完老蕭, 「老曾」話姑念佢初犯, 不罰通櫃坐大牢, 叫佢番歸面壁思過（反正刑罰不能執行.）然後筆鋒一轉, 話咪住, 眼尾掃到老蕭公開信有錯別字, 話佢身為香港人網會眾總導師, 手下與會員多是年輕人, 話佢誤人子弟, 不得不小懲大戒, 罰佢每別字抄100次, 限三五七日內交俾無妄（佢交唔交俾無妄, 關人鬼事）. 最後, 拍拍驚堂木, 退堂.
老蕭其實係斯文爛仔, 同佢打交, 咁樣打最好玩, 佢惜身, 唔想益你拿 sound bite, 唔會同你打筆戰, 你就算激佢唔到, 激到佢班手下同教徒紮紮跳, 都係一件好好玩嘅事.
