鹹濕的小朋友

其實只是趣事一則, 不過想同大家分享下, 笑下  

今朝同女朋友一齊搭港鐵返工, 去到旺角站轉車, 車廂有小小逼, 企 o係我同佢面前既係一個菲律賓工人抱住一個細路女(我就咁睇大約係 3-4 歲), 個細路女就挨 o係個菲律賓工人既膊頭度好似訓覺咁, 但就一直係無合埋眼既, 突然間我女朋友同我講 : 點解個細路女不停咁望住我既 ? 其實佢講之前我都有留意到, 跟住我就同佢講 : 妳睇下佢既視線望住妳邊度 ? 佢擺明就當妳係佢奶媽啦(我咁講係因為個菲律賓工人生得比較矮, 所以個細路女既視線真係同我女朋友個胸部平排), 說時遲那時快, 個細路女竟然一手拍落我女朋友個胸度(好細力)然後合埋眼扮訓覺, 我同我女朋友都 O 晒咀...........  

大家又有無遇過類似既經歷呢