我今日好嬲＋唔開心

今日好唔開心＋勁嬲， 有Ｄ長篇，俾少少耐性睇
我新年果陣食野，唔小心咬到嘴唇，今時今日未好不特只，Ｄ肉仲增生左，搞到嘴唇腫起左一舊。老公見我咁，今朝捉我去睇Ｅ生，因為怕我細菌入血，唔知會發生咩事。睇牙Ｅ（有口腔科睇埋），話夜晚個專科Ｅ生先返，要我夜晚再去過。
返到公司，會計兼人事（佢係老細個妹）臨六點返到，我預先通知佢後日下晝要去產檢，佢就叫我下次要約上晝睇，因為想我晏晝返工。我果陣已經覺得好無聊兼幾好笑，做咩連我幾點去檢查都要管，第日我幾號生仔係咪都要佢批准？不過都求其應佢兩句就算
跟住佢又黑晒口面問我今朝做咩請病，叫我即刻俾Ｅ生紙佢睇，因為我夜晚都要再見Ｅ生，所以係未攞Ｅ生紙。佢見我無就好不滿問我做咩要請假，我指住個嘴唇話好耐唔好，驚有菌入血，佢即刻好似聽到一個大笑話咁：下，你就係為左呢Ｄ唔會影響工作既野請假呀？嘩，果刻我真係想爆粗。佢係Ｅ生咩？佢可以判斷我有無事？我扔低句：我依家仲要睇Ｅ生，聽日有假紙俾你睇。佢全程都係用質疑既眼神睥住我。問我去邊度睇，我話牙科，佢即刻覺得我吹水：牙Ｅ有得睇既咩？我無做錯，有晒證明，佢既態度真係好Ｘ街。擺明係因為我有病假紙而要俾返人工我而覺得唔抵，佢真係我見過最Ｘ街既人事   
夜晚見完Ｅ生仲 down，Ｅ生話可以用激光切左Ｄ增生組織，但我依家有ＢＢ，傷口有可能會埋得仲差過依家。如果我唔係有左，就已經幫我做左呢個小手術，佢建議我生左先做。但仲有咁多個月，依家係人都見到我個嘴腫左一舊  
個口搞成咁已經好唔開心，諗起聽日返工仲要對住條死八婆，灰爆