中國人有時係會比較神經質.甚至可以話係整個民族一齊患上被害妄想症.因為呢個民族真係歷盡苦難.我覺得現代中國人扭曲係好難怪佢地(唔係話合理.只不過係可體諒)...尋日我去我家族中現在生既最老長輩 - 七叔公(我阿爺個細佬個仔)屋企拜年.老人家已95歲高齡.其中追問好多關於家族歷史.以前生活.人生經歷之類既野.佢當年日本仔打到黎時.親眼目見同鄉被掃射.當時中國人每行過一個日本哨站都要深深躹躬.躹得唔好既.日本士兵會係你彎下既頭頂上開一槍...我問佢再之前日本仔未打到黎時既生活係點過.其實都唔好得去邊.佢話果時既工廠.咩保障都無.起身就係做野.無假放.只得可憐工資.就算返鄉下經營漁塘.都因本身家族人丁單薄被村人剝削欺負.而當時民國政府係唔會介入呢的村內事務的...就算唔好講打仗.社會壓迫問題...之後眾所週知既大躍進.民革亦摧毀左整整一代人.我阿公就試過係民革中被批鬥.我阿媽因上山下鄉浪費左整整十年既光陰.家族祠堂.族譜文革中被破壞...損失係全方位性.包括心靈.文化呢類無形財產...再遠的.19世紀.更係不堪回首.鴉片戰爭.八國聯軍.眾多天災人禍.中國人係足足經歷左接近一個半世紀既苦難.呢的苦難係如果只視為歷史書上既文字.當然唔會令心靈震撼.但只要親耳聽到上一輩既講述...就會明白點解話今人係好幸福
我唔係幫佢地既人性扭曲辯護.只係希望各位而家安坐家中.身處文明社會既人.首先要學會體諒每一代人既情況.佢地不單止無受教育既機會.無任何基本人權.人性尊嚴.而且無任何法律保障可言.冷漠.功利.自私等劣根性.其實係歷史.社會大環境影響.因為唔咁樣佢地唔可以係社會中生活到.一個民族根本無所謂天生不變既本質之類.古代中國亦曾經係一個禮儀之邦.古代西方反而係野蠻侵略者.只係近代隨文明社會發展同生活水平既消長.呢種情況被扭轉.我地要做既就係寬容體諒.繼而教育.比機會同時間佢地轉變...正所謂衣食足.然後知榮辱.一個歷經苦難既國家民族點可以一時之間建立倫理道德...
我所講既雖然唔係哲學.但係我自尋日含淚聽完佢地上一代經歷後.有感我作為後生一代.應該要將老一輩既口述歷史傳承落去.話比人聽.呢的唔係只係讀書理解既知識咁簡單.呢的係一代人有血有肉既經歷
