09年…旅行結婚的請內進！！

我地有計劃09年結婚 , 但未正式傾擺酒問題, 其實我自己想旅行結婚就ok, 起碼可以留番D錢買樓實際D.

好奇怪D女性朋友十個有九個唔贊成, 話將來無回憶, 攪到我15/16, 除咗錢仲有其他問題 無法解決.

我本人就希望可以去關島旅行結婚, 同時帶埋亞媽細妹一齊去玩兼睇住我嫁就已經好足夠  .

反而一諗到結婚之後要揪時間打理家務先至頭痕, 因為另一伴要應付繁忙既工作兼進修已經沒太多時間分擔, 而我現時要返工兼進修.

唉 ! 如果想要生BB就要暫時放棄進修了, 好難決定  .