我做過水魚，我一世人玩過一次 Poker，是朋友一齊去大陸常平叫女人陪坐時玩，
全部都是自己人，唔會有騙子，當然有些玩得叻，我這些水魚就慘。
盲底注HKD 20起， 八份牌，下下加注，跟親都成五十/一佰元，大來大去，可以有兩三千一鋪。無限叫多少錢，每次添好牌可以大三次(連第一次叫)，每次可以大是一倍計。我地大家都是玩慣賭錢的，上落幾千無乜問題的，我唔懂poker是第一次玩，輸都無問題，否則玩鬥地主都可以輸幾千上落，總之是我心甘情願學下的。
我底牌手渣3,6， pre flop 好細，每人幾十，我都跟，pot 有五六佰， flop牌 8 ,J ,6 ，
咁我有一對，因為之前玩左成個鐘，我第一次玩，已經輸了約兩千元，之前覺得好多人吹牛嚇人，於是我有 6一 pair咪又跟 ( fish 喇，咁細牌，所以之前輸成兩千銀)，flop完大來大去每家要200元跟牌，有的唔去，有的跟了百幾然後fold，只得四家去，turn 是 6， 我下家叫先，約叫兩佰，我唔記得喇，我唔賭慣，
跟著四個全部都call，我都call，我無raise，我覺得唔好給人知我是那些 6 起家，
然後 river是 3， 我呼老喇 66633 !!!!下家先叫，佢叫八佰，我上面兩家fold喇，
我地規舉是上家叫多少，可以大一倍，每隻牌只能總共有三次叫大(連第一次叫)。
我即是可以大佢一千六或者call，大佢一千六的話，要預下家反大三千二，如果我call就即時開牌。我考慮好耐，個pot 已經兩千幾，我大的話，隨時個pot最後大來大可以成萬銀，今次是全晚最大一鋪了，全場包括陪坐小姐都唔敢出聲，男人就等看戲。
但我已經輸左兩千幾，心想現時個pot 兩千幾就算，容乜易下家一pair pocket 8 或 J 我就香香....
我都唔記得佢 pre flop 點叫，有否 raise 等等，乜都唔懂，兼且我抱著條女，又飲左九成，乜都唔識....
我call算喇， 咪大家開牌喇。
終於我這fish 666 33 呼老贏左兩千幾個 pot。我開牌後，對手無開牌認輸，唔知佢乜牌。
成晚玩左個半鐘，我輸幾百，執身彩，第一次玩，完全不懂。
現在才在這版學下名詞和玩法。
