除咗重量,重有負重高啲,腳架全開時穩定啲同高啲(小第覺得腳架全開最好同眼水平會方便&#21874,腳管會有多角度調節,調較中軸上落快,波頭同快拆板可以更換,用過就會知分別,尤其是zoom盡部機時想將主體(如影月光咁)擺到畫面正中間,調較上會係2種感覺,用波頭加快拆調較起黎會舒服同快好多架。

開頭玩吓先啦,用到咁上吓你有追求先買啦,我開頭都係用你果種,影得幾次就開始覺得唔夠高會有時避唔到欄杆又試過,調較上下角度同水平時嘅難度攪到成個人燥晒又試過,如果你接受倒冇所謂嘅,一樣用倒嘅只係冇咁方便,dc用咩腳就真係冇乜所謂,單反用嘅腳架就真係緊要好多。

後補:其實我都唔清楚果粒嘢有咩用,小第估係有啲DC會有果個粒嘢個位用黎對位呱,唔知有冇C兄會知呢？出面買果啲快拆板都冇哩粒嘢架！