SLR Vs DSLR

我諗個題目會係“slr與dslr嘅分別”會好過用“VS”。

菲林單鏡機係冇得校iso同白平衡。iso靠選擇不同iso值嘅菲林，一旦入咗部機度，你就係可以用嗰個iso值。至於白平衡，以前有種鎢絲燈白平衡嘅菲林，不過而家冇得買。
唔同牌子嘅菲林有唔同嘅色彩表現，視乎閣下鍾意邊隻色彩。菲林有分正片同負片之分，市面上有柯達、富士、三菱、柯尼卡美能達 (DNP)、愛克發 (少數地方有售) 售賣，除咗三菱只出負片外，其與都有出負同正片。(柯美有冇出過正片就唔知喇)
想玩菲林而唔知邊個牌子啱自己嘅就每個牌子、唔同iso值買一兩筒嚟試，睇吓邊個牌子、邊個iso值啱自己口味。
至於銳利度、飽和度方面，沖曬雖則可以校到，但每隻菲林有獨特嘅色彩，想飽和度高啲嘅就揀柯達正片e100vs或者富士嘅fosta sp。其實銳利度、飽和度唔多唔少同鏡頭有關，唔同鏡頭發色唔同，再加上菲林嘅色彩，出嚟嘅顏色係數碼畀唔到，呢個就係菲林嘅個人之處。