如果俾你係作者, 你想eyeshield幾時完最理想????

打完白秋就完啦,因為由一開始泥門的目標就係要入聖誕節碗,而贏完白秋就完成目標(電視機後的宣言),如果再講落去實在係有D強行拖長來做,而真假eyeshield21的決鬥可以出番外篇講,無需再加多幾場。

而我就幾鍾意eyeshield入面D帶出的道理,我會加入一段:

黑豹知道瀨那咁勁,提議佢去美國發展,為去NFL鋪路,瀨那就唸應該留在下年冇蛭魔粟田武藏的泥門定係同黑豹到美國合作,最後聖誕大賽開始前......

蛭魔:''死矮仔,呢個係你以泥門隊員身份最後一次出賽,呢個亦標誌泥門王朝的終結,千祈唔好拖後腿''

瀨那:''泥門的王朝係唔會完結,下年我地仲有門太,小結,三兄弟,仲有......背負著泥門傳奇21號的......''

蛭魔(奸笑):''死矮仔,少講廢話,我地要......''

全員:''殺左佢地!!!!!!!!!!!!!!!!!!!!!!!!!!!''

跟住瀨那背負21號球衣,超型咁衝出去......(完)

當然,我認為完左白秋之後仲可以交代蛭魔真守,瀨那鈴音等人的感情關係,大團員結局,再講埋蛭魔個老豆D事,之後以聖誕節碗開賽作結,咁就最多令到讀者唔捨得,都唔會死作爛作搞到爛尾。