<<上水清河邨討論區>>
岩岩琴日媽咪爹地話我知 我地等公屋 終於都分到清河喇!!之前分到屯門 死都唔要 所以再等 我媽一直都想分到清河 因為聽講好令 又比較大少少 最緊要係新屋村 哈哈
想問下呢 (最好係住係清河村既兄弟姐妹們答啦 唔想有人pose d係yahoo都搵到既野)
1.大概有幾大架
我地係3個人 分到既應該都會係2間房吧?咁間房大致上放 一張床 一個衣櫃 同一張書台(用黎放電腦的)都ok嗎?因為我哥果到(天平村)得一張look架床 一張好細好細既小台仔就冇位喇
2.去到上水東鐵站and去聯和墟要幾耐
搬到去果到 係開心就開心 不過呢 我好想問下如果由清河村坐巴士到上水東鐵站要幾耐啊 另外就係去到粉嶺聯和墟又要幾耐呢 要搭咩車架
3.清河村多唔多蚊架@@
因為我地分到係5樓...美中不足之處就係太低了 不過都想踫踫運氣 問下有冇人都住咁上下低既可以黎答一答@@
4.有中銀櫃員機嗎
我今朝就一直上網搵有關清河村既野 睇到都有櫃員機既 不過又冇話有咩銀行既櫃員機wor 所以想問問
5.果到有咩食肆架
民以食為天 當然要問問果到有咩食肆啦 見到都話有酒樓啊 快餐店 不過想問問 有冇m記/kfc/pizza hut lee d東東架
6.裝修方面
想知呢 地板係一入伙就有既 定係要你另外整架?牆壁果d又使唔使自己油架?我家一向都用開分體式冷氣既 搬到過去 用到嗎??門方面 係本來有啊 定係要自己裝架?(如果本來有既 又係咩門黎架?)
其實好想好想睇下入左伙既3人單位左右既相 因為至少都有個底 始終都得償所願 所以真係好心急想知 房處又話要下星期二至可以去睇樓同辦手續 所以好希望有好心人 pose一下大致既相上黎睇睇(唔係想睇大家屋企既擺設 係想睇下間屋既間格所以冇惡意的@@)
真係多多問題啊 希望如果有有關經驗既大大可以幫下我哦 因為我應該要2-3個月後至搬入去 都想幫阿爸阿媽提早有d預算 麻煩晒大家了>3<
你地又覺得邊一座最舒服 最好住呢??
