香港仔出發船釣多數去南丫島經北角碼頭，再去發電廠船釣，
如果早出發可以去遠一啲釣

大魚這個時候比較差一些，香港仔啲艇佬／阿姐都知有啲排口位有魚"花晝"。
但見你無乜魚至帶你去釣(怕下次你唔揾佢)，

有沒有收獲?

星期日應該係28水(死流尾生流頭)
提議你買定一個手環(四至五寸直徑)，兩邊一定要有分别，兩邊一樣無乜用的。
魚線用8至10磅就ok。中通鋁用6号或以上，魚鈎用長"砰"有圈的2号鈎。
手環(四至五寸直徑)-------大约$12左右
魚線------用最平1盒2.5号(10磅)圓筒形500m(足夠兩人份量)，大约$25左右
中通鋁------用6号或以上(因流水急)，大約$30一包,安全些買兩包
魚鈎------用有圈的2至3号就ok,2号個長"砰"位约1吋的(不要弄錯),價錢唔記得(Sorry！)
注意:如果你怕頭暈，最好買定"百福豆付花"上船，1--可以幫你醫肚(講下笑)，最主要係另到你個胃有嘢嘔出來減低痛楚，而另一樣係它的甜味可以停係口腔內，酸味少啲，嘔就會停和好！

艇釣多數用生蝦(因為大路"得食")香港仔啲艇出去多數用"手指尾"或"手指公"長度就可以。
長洲啲艇出去我就定去街市買差不多"中指"或以上的海蝦or生赤米蝦。
因為基圍煆貴好多，又唔係太須要。超大隻(6吋點或以上)的蝦係用唻博大魚，石班、大馬尤之類。
而我係長洲出艇就會一早叫定艇佬幫我買海蝦和2隻斤頭八爪魚(無就生墨魚)。6吋大蝦我只係用唻岸邊玩手扞，三隻大釣$200(抵玩)
至於香港仔出艇就會去街市買定(試過比艇姐揾笨！)，而且出面唔係好多大排口位，細少少可以得食好多(易中魚)。2號長手"砰"勾係一啲水佬方法，歷史就唔記得，只係知道簡簡單單就可以(1粒中通"原"1隻長"砰"勾)。你試過比艇佬X+Y鬧你未！我就試過一次長洲8:00am左右出船，大約12:00pm左右，我話返岸食完飯再落艇釣過，個艇佬話大魚都無一條(那時已經有好多磅頭"花晝"仔仲有一條斤頭白立)，佢話無條幾斤以上的班之類，不准返去！之後好彩3'4點左右上到幾條红班(最大個條有6至7斤)，但返去都無用(我哋訂到6:00pm)所以繼續落去。都唔知笑佢好定笑自已好！