大家覺得父母的身教對子女重要嗎 ?

重要！當然重要啦！
例子１：好似我大伯個老婆佢係大陸人，初初落左香港頭三年成日隨地吐痰(因為當時未罰錢)，個仔見到咪又學佢一齊吐囉！到左宜家個仔讀左書知道唔o岩仲鬧返佢媽咪，仲叫佢媽咪記得用紙巾！

例子２：大伯個老婆佢個仔做錯野唔會同個仔講解點解錯，錯响邊！一味爭係打、所以佢個小朋友細個o個時好鍾意打人，我Ｄ仔女比佢都打唔少，好慘！

例子３：我初初有大仔o個時，我老公成日响個仔面前食煙，有一時期個仔攞起乜野都扮佢Daddy食煙，自此我老爺同埋老公都"呢"係厠所食，盡量都唔比個仔見，我都有叫老公介煙可惜唔成功！

小朋友真係一張白紙黎，你教咩比佢佢就學咩！有時你跟本唔洗教佢佢自然從你平日既行為學到你既一切，所以身教真係好重要....