自私o既人係唔會自殺，相反係d有責任o既人先會自殺。

最近讀左一本心理書裡面係講一個人之所以係自己，好大部份都係因為你父母o係你零至六歲o既時候，佢教你點做人。乜野時候應該讚，乜野時候應該罰。但成為父母o既往往都係未好好地咁去學點為之係好o既教育，佢地教育o既生活方法往往係連自己都做不到。特別係呢個社會唔容許有失敗o既人。而父母又o係呢個社會做唔到其他人眼中 o既成功人士，佢地期望自己仔女可以做到佢地心目中o既成功人士。要知道一個人o既成功同失敗，往往都係唔係肯努力就可以做到，有時可能係際遇或者係時機。(就好似宜家o既時勢) 我諗好大部份o既人係因為自己唔能夠做到父母心目中或者係自己心目中o既人而不斷自責，到最後走上自殺之路。