投訴方法

大家好....話說2年前我就買左份保險, 一直都係自動轉帳
跟住有一日我去打簿, 見到扣數扣左雙倍, 咁我以為會唔會佢上個月未扣連埋一齊扣呢....因為月結單又冇咩特別唔同到, 咁我又冇理佢
過左幾個月再打簿見到又係咁....跟住打去同我個經紀CHECK, 唔知係咪因為我供得少, 佢D動作好慢....打比佢成日唔聽, SMS佢又唔應...咁啱又要過年拖左兩三個月先覆到我
不過到最後佢都係幫我唔到, 叫我自己打上CUSTOMER SERVICE自己先CHECK到.
CHECK完佢地就話.....佢地上年4月份通過電話同我推銷左一個附加計劃而我又電話中確認左, 但我就可以肯定完全冇呢一回事發生, 咁我叫佢比返個錄音我聽
佢話要等2個星期, 但我真係容忍唔到呢間公司了, 我呢兩日就會CUT晒佢, 但我都想防止因為我CUT晒D單, 我到2個星期後乜野交代都冇
我仲有咩方法可以投訴佢地呢?? 我既目的都係要拎返晒我而家保單個餘額同埋佢地全數退返佢地老屈我果個付加計劃既錢

有關公司: 英國保誠