唔知點算...離婚 ? 忍受 ?
愈來愈覺得我老公變左
今日媽媽話約姨丈/姨姨出黎晚飯 , 見到面時 , 姨姨送左份禮物比琳琳 , 返到屋企我拆開禮物 , 原來係一件disney的bb衫
我話 : "爸爸 , 你睇下 , 件衫仔幾靚 !! "
佢竟然答我 : "送野比人都唔剪價錢牌 !! "
聽到之後我就話佢 : "你有冇搞錯呀 ?! 人地好意送禮物比琳琳 , 你居然嫌三嫌四 !! "
其實仲有好多其他事 ....
1) 佢唔願照顧琳琳 , 有時叫佢幫手同琳琳沖一次涼 (通常都係一星期一次咁大把) , 佢會好似講數咁回答你 "咁你洗奶樽 !! " 佢連照顧琳琳都要分得咁清 , 咁大家d衫以後要唔要分開洗 ?!
2) 對自己屋企唔上心 / 冇責任感 , 有左小朋友 , 最基本就係要家居清潔 , 佢就好似當屋企係佢工作地方一樣{廚房} , 可以周圍污糟唔理 , 佢唔手清楚我都算 , 佢仲制做d垃圾 , 我要等旳上琳琳同佢訓左 , 我一個人半夜三更執屋
3) 我父母幫助我同佢生活上好多好多野 , (包括金錢/物質上) , 佢以前會心存感激 , 但而家佢竟然覺得咁樣係理所當然
4) 好多時候我同佢講野 , 佢會完全冇反應 , 有一次我忍唔住問僗究竟聽唔聽到我講野 , 佢竟然答我 : 我撞聾 , 聽唔到你講野...
真係仲有好多事 , 我唔知自己仲忍受到幾耐 , e+每日最唔開心就係見到佢放工返黎 , 估唔到生左bb之後關係比以前更差 , 我唔係話bb令到我地咁 , 我好開心自己生左琳琳出黎 , 以後就算要我一個人自己帶大琳琳 , 就算再辛苦我都冇所謂 , 但我真係唔想bb日後睇到我地關係愈來愈差
我唔知自己仲忍到佢幾耐 , 我真係好想離婚 ... 有冇其他媽媽都咁不幸 , 生左bb之後先發覺身邊的另一伴有問題 , 大家生活唔到落去 ? 你地點面對 / 解決 ?
