第一天 (大宮入間自駕遊) :
初次試搭凌晨機, 知道很多人都會唔夠精神玩; 於是安排自駕一日遊, 既可比五位女士(三位美少女)睡一會, 又可用盡第一日的時間. 不過, 6:30到羽田, 機場的租車店都未開, 無理由一家人等粒幾鐘o架! 唯有用錢買點時間, 我搵到Monorail的濱松汀站有Nissan, 大家坐Monorail過去取車出發就Good晒啦. 去到濱松汀站, 直落樓下就見到租車店. 出乎意料地, 果位店長英文真ok, 結果佢話無晒平果隻7人車, upgrade架serena比我地, 真感激! 阿店長先生服務好到極, 幫我o地set好GPS之餘, 仲打電話幫我確認大宮火車博物館有開門, 今時今日呢種服務態度真係值得表揚.
上了架upgrade左的大車, 行李全部放車尾, 真爽! 唔駛我講, 大家都估到五位女士在車上瞓得好舒服啦....不過, 我地兩個司機就出事la, 事關今次個GPS係設定行高速公路o既, 我以為好易明, 點知在新宿就出左!!! 隻GPS好聰明地帶我地上番高速, 但我地竟然未到池袋有出錯左! 肥爸今次真失敗, 唯有用'全程低速'來前往目的地啦. 好彩後面的路程幾好走, 好快到達大宮市, 女士們見到吉之島, 就指明要行一行. 正值午飯時候, 就地去Food Court搵o的野食. 此Food Court竟然有Pepper Lunch, 本來就想試架la, 梗係整個比較好的霜降牛扒啦, 正! 其他店舖的烏冬和蛋包飯都絕對OK.
從大宮吉之島出發, 好快就到鐵道博物館. 肥爸就覺得這個景點幾好, 小朋友有兩隻小火車坐, 加上模擬開火車等. 可惜的是我們不懂日語, 小朋友就投入唔到. 跟著去入間outlet, 自駕不用想搭什麼車, 好快就到. 整個Outlet環境唔錯, 但真係買唔到野, 可能我地較Cheap, 只係買左個袋比個女(個女緊要個自己?). 由於早知隔離有Costco及Driver Stand, Costco就入唔到, 要會員先得, 勁可惜. Driver Stand就和Autobac一樣, 絕對滿足到愛車人士. 網友必須注意, 全程最難食的一站, 就係入間Outlet個Food Court, 在此強烈向三井集團投訴.
同樣係Food Court, 吉之島係天堂, 入間係地獄.
今日整天落雨, 幸好租車用盡了所有時間, 回程時全程高速, 順利直達新宿華盛頓, 晨早6點落機, 玩到夜晚10點Check-in, 都幾過份.
自駕時拍到的鐵塔 :
吉之島內的機械人 :
齊齊整整於火車博物館留影 :
坐完凌晨機, 上車時竟然咁精神!
Jusco+Aeon的Mall, 泊車例牌無料 :
火車博物館的小火車, 第一隻要預約 :
小火車上, 想咀啖肥媽, 佢話老夫老妻唔比"錫"wor...
入間Outlet :
Costco 就o係入間Outlet旁邊 :
