勞氣 - 中環油東京五天團

個團係星期日出發(即是後日)
星期一開茶會話個行程會有變化, 因為酒店安排唔倒(又係呢個籍口),實際行程與單張會有出入. 呢個問題我地可以接受,因為跟團係咁(潛移默化)
咁我地再追問幾時會有確實行程,佢話要等公司到時安排既導遊決定.(非常無奈地接受)
咁好啦,等到今日再查詢,職員話公司仲未安排導遊,所以未有最終行程. 喂!大佬呀,你個團有日半係自由行,原先報名時個行程講到好自由,但宜家你話行程有變,咁我都有權知道你點改,再作出適當既行動去配合; 例如由邊間酒店出發去邊到最方便, 回程時晚餐既地點安排等等.
想問吓大家,以上既情況是否正常?旅行社是否於出團前兩日還可以未安排導遊或決定行程?行程又是否由導遊自行決定?