我係成件事既睇法 :
人地的確係黎搶走左你既野 , 你要求歸還係道德上係合情合理 . 但係把口高叫歸還國寶 , 實質上連個件野唔係出自中國工匠手中又唔知 , 連故宮專家都話手工麻麻價值唔高都唔知 . 更重要既係 , 由滿清到 RC 再到 PRC , 真係有保護國寶 ? 就講圓明園 , 最大既損失唔係俾英法聯軍搶個次 , 而係之後俾國人自己偷同拎去賣 , 自從圓明園被燒 , 個度就係無掩雞籠 , 幾乎個個都可以入去拎野走 . 清未班太監拎出去賣既仲多 , 仲走去乾隆同慈禧太后既皇陵 , 炸開黎偷裡面既陪葬品 (當時慈禧太后條屍仲未化 -.- , 佢條屍含個粒夜明珠據說去左美國 , 係宋家後人手中) , 激到薄儀要將班太監監碎屍萬段 . 到左 RC , 知唔知d人點樣研究敦煌文物 ? 見到某經書見到幾靚幾值錢 , 就割一部份落黎袋落袋 , 然後黏番埋個封面佢 .. 到左 PRC , 文革咩事大家都應該知 , 好采敦煌遠離道路 , 又有大鐵閘鎖住 , d紅衛兵行都行到死啦 , 如果唔係一個反封建 , 今就 .. 好啦 , 點都仲有d保留到落黎既 , 北京圖書館就將d敦煌文物鎖實哂 , 唔俾人拎出黎睇去研究 , "你們看得懂嗎 ?" , 一個唔識字既阿伯就當左個d係自己既財產 , 一鎖就鎖埋 30 年 , 無特權唔洗旨意有得睇 .
所以我一直唔明 PRC 人點諗 .. 人地係搶走你d野 , 但係搶野班友都死左過差唔多百年啦 , 況且文物流出國外 , 至少你地都仲可以係拍賣行有得見下 , 如果當年留係中國 ? 一味就話 "帝國主義 xzy" , "盜賊" , "流氓" , 但係自己忽視忘記左 , 自己既民族一直都忽略對文物既保護同尊重 . 都好 , PRC 都偽02年話要搶救海外文物 , 我亦唔係話要數華人點衰 , 而係交到外國人手中 , 相對黎講人地可以話保護左你地d文物 . 總括黎講 , 當然要就唔同個案黎講啦 , 好似今次個d獸首 , 原來人地只係放係浴室 , 又算唔算損毀文物呢 ?
唔洗下下眼現紅根去鬧人搶你野既 , 學印度去呼籲自己既海外商人投番番黎 , 今呼搞得掂囉 .
