點解我會娶左一個咁既女人...我想死

唉.結婚四年,未結婚前友人都話要唸清楚.因為佢皮氣好臭.未結婚時每週都罵一次大交.罵完明天又無事.如事者兩年.唔罵交時總覺得好需要對方.最後好盲目地不理朋友家人的勸告同佢結左婚

有時行錯一步真係抱憾終生.佢終日係道埋怨我窮,唔夠錢比佢洗.除了煮餐晚飯,平時洗浴室,洗衫,浪衫,熨衫我都自己整,已前佢有整,但每次整親都唔知係手整定用口整.一路做.一路整個死人樣一邊罵...之後我怕左佢就自己 DIY.洗bowl我洗埋...佢有時話佢唔係工人,點解要做咁多野...(大佬.我真係想問佢,佢做過 D乜野呀?平時就係坐係屋企睇下電視玩吓貓咁...有幾慘呀?)

咁都算.每日我放工返來.一到十一點幾,佢總係找d小事,(係真係一d無關重要的小事)罵我.我已前都有駁下佢.但自己唸下駁都無用,因為駁佢.佢就罵得愈耐.

平時公司的聚會,剛開始時好幾次一回到家就罵罵罵...後來好彩她也接受..正所謂比面派對...但友人一些聚會我完全唔敢提出話去.因為罵罵罵,試個帶佢出去..佢係我友人面前整個死人樣..玩寸晒個party...我真係覺得好無面..連家姐阿哥老豆依家同怕佢.因為試過罵大交..佢地都唔理我地,盡量唔找我(除了過大時大節外)..我好似現在乜都無晒.朋友.家人..乜都無晒..

總是覺得平時返工時間係最自由,最私人..對住d客人,總好過係家比佢鵝..我工作係輪班,我可以都係選晚班.因為返到家裡都成十點幾..見佢兩三個鐘時間都係50%比佢鵝..我寧願唔放假,因為統計過每次放假係屋企總是會嗌交...日鵝夜鵝..就黎人都痴啦...痛苦..

各位..我應該點做..曾想過離婚.真係心灰意冷..又想過點解每日咁多人死但又唔見我死.想過自殺...唉..我既生活真係生不如死....真係一子錯,滿盤皆落索...

點解我要咁stupid同佢結婚.就正如買左雞股,無止蝕.攪到依家咁.生不如死.