過年前不幸俾公司炒左......原本人工都有萬幾蚊, 依家搵唔番老本行, 唯有做sales頂住先..但係得6-7k人工. 灰爆....原本老公份工一直都做得好地地有2萬蚊一個月, 老闆都對佢好好..我冇左份工之後, 本來諗住可以依賴下佢先, 佢都有叫我唔使担心個屋企重有佢頂住...但係...呢排佢唔知係咪俾鬼上身..日日日都嘈話唔想做份工, 我已經俾佢煩到爆炸..上個星期佢重突然同佢老細因為一個小問題炒大獲...佢重勁到用粗口鬧佢老細(其實件事大家都有唔啱)第二日佢真係遞信唔做, 我知道呢件事後直頭精神崩潰...晚晚都訓唔著,反反下工都會喊出黎....
佢老闆娘都有勸佢唔好走, 加上佢知我為呢件事咁唔開心, 原本佢都應承左聽日同老闆娘講留番底.但係上星期六佢又發癲話老闆又鬧佢, 又嘈哂咁話一定要走...(我即時諗緊我有邊份工未俾老細鬧過 )
我為左呢件事真係就快痴線..我真係接受唔到係呢個時候兩公婆一齊失業...今日佢可以當好似冇事發生咁..但我個心已經好灰...死左一半..佢係呢個時候都可以自私到咁, 一d都唔顧大局..我成日都冇睬過佢....
點解我會嫁左俾一個41歲ge少爺仔但我又做唔到少奶奶?????????
