以加買基金 係唔係好傻?

算你醒目
唔會信晒agent講既野
識得上黎了解基金既另一面


多既唔講 只講重點︰
1.　回報無保證。開口埋口話每年10%，牛市好景時3,5年就有機會，10年都得就只有巴菲特同馬多夫。
2.　收費過高。有年期既儲蓄人壽相連101就一定貴，就算普通基金既5%認購費和1.5%行政費，都會蠺食你既回報。
3.　靈活性低。有年期既計劃一定要完結後先可以拎番全部本金，agent話隨時拎錢走只係部份本金。而普通基金買賣要幾個交易日，部份仲要蝕買賣差價。
4.　可投資海外不同市場。分散風險。
5.　平均成本法。可減少價格下跌的風險，長遠地增加回報。


總結及建議︰
1.　你既兩年目標屬短期，買基金起碼要睇5年，加上你資金少，唔需要分散去投資海外市場，所以基金唔岩你。
2.　呢幾年經濟唔好，如果你只想穩陣既就唔好期望5-10%，高風險既迷債都一樣係5-10%
3.　資金太少，好難月供股票或盈富基金，暫時還是放在銀行。黎緊呢6-12個月了解多d投資既野，到時再每月1000蚊月供吧。