樓主,我自己未經歷過呢d事.所以如果講錯既請你地唔好介意
我認為呢一刻除左同學校交涉之外,你要教女兒去拒絕,去反抗..其實講真.小學生係學校用既手段都係講難聽說話,搞小圈子,再嚴重既係出手打人.(真係少數,未聽過..)
難聽說話,你要教佢點樣克服.
小圈子,杯葛呢d.我估呢樣對你小朋友先係比較難受.通常其他小朋友見到佢咁樣.都會避開佢費事惹事上身.女女覺得孤立無援,同老師講估計又冇人理佢.我估主要係呢個原因你先至唔俾女女返學.
其實我想講既係..
有冇發現而家呢類"校園欺凌"行為越黎越多?再講,佢大個左出黎社會一樣會面對類似情況.
學校係社會既縮影,
而家你可以係佢身邊協助佢去面對.我反而覺得呢個不失為一件好事.雖然你女女係受到一d傷害,但係
只要你教你女女積極面對同埋學識反抗.對佢黎講係一個好好既成長機會.冇人保証你女女會唔會係中學再遇到呢d事.早d學識點面對始終係好事.
有邊個人出黎做野之後冇俾人玩過呢..早d學識反抗係好事.就怕你女女一直唔敢反抗.俾人一步一步逼埋牆..
果d欺負你女女既同學估計應該有3-4個左右.佢地自己都知自己唔岩,所以要搵人壯膽.其實呢d人都係欺善怕惡.我估你女女應該係唔識點樣處理,唔敢去拒絕,唔敢反抗,所以佢地先咁過份
最後,個人既少少意見.
同老師了解一下欺負你女女既學生有冇暴力傾向會唔會打人(會打人就太危險..可大可小),其他同學對你女女既事有咩反應.(睇下有冇人落井下石)
轉校,係最迫不得己既手段.因為只係逃避.而唔係面對問題.假如情況未去到很惡劣既地步.盡量同校方週旋吧!(雖然我覺得佢地係息事寧人..)
所以!我認為身為女仔一定要識保護自己,要堅強.
請你好好支持你女女去面對啦!希望你好好同佢解釋一下.因為返學既係佢,係學校既事老師同父母係可以幫到手,但最後都要佢自己去面對.生活中每日都有大小既問題需要解決,佢最需要既係勇氣去面對.
當然我意思唔係勉強佢返學.女女而家應該好驚.佢需要勇氣.假如佢可以過到呢一關,相信對佢成長會有所幫助.
希望你女女平伏心情,然後同意返學啦!最後,假如女女真係肯返學.樓主你就辛苦d,去接佢放學囉!
咁樣一黎佢安全d,二黎又有信心.如果可以遇上果幾個學生就當面同佢地講假如再有咁既事發生你會報警之類.但係重點係女女既心態.
被人欺負並唔可怕,可怕既係冇勇氣去反抗然後屈服.最後就係完全冇地方企.
希望對你有幫助,請參考.
