如果小朋友在校被人欺負，應該點做？

小六就無法無天？開玩笑！
如果再有此事報警處理，不過要由校方出面講....o甘樣唔多唔少都有幫助！
你要同女女講如果再有o甘既事一定要同你講，唔好收收埋埋，
加上就快派位(中學)影響左學業幾唔抵！如果有需要可以同校長講掉班！

我個仔都試過小四o個時有個女仔搵幾個男仔打我個仔，
我叫老師同對方家長講再有下次我會報警處理！
點知個家長話小朋友打交好平常唔洗玩到o甘大呀！
我聽完真係好嬲呀！我心諗比人打o個個係我個仔唔係你個女跟喎！
講野o甘唔負責任，連對唔住都無同我地講過....
最後我叫老師回覆o個家長:叫佢即管試下有多一次囉！
結果每次見到我地扮睇我唔到唔敢望我地！