<開台-賽馬WQT>2009年3月15日賽馬日賽前預測(主持:河馬仔,魯賓遜)

各位聽眾, 真係唔好意思啦.
由於節目準備時間倉促, 未夠細心睇每匹Q&A部份的馬匹資料及試閘.
由其是一啲初出馬, 今次就要對<來福>嘅分析作出修改啦.
節目中評語不太睇好, 但細心再睇呢匹馬質素非常高, 所以改為首選啦.

<來福>初出, 血統No Excuse Needed配Defensive Play, 同母馬勇士, 但形格不同,此駒出腳低, 而且後庄圓渾, 單睇形格似足一班馬; 十二月尾開操, 二月中試八百米閘, 出閘快, 全程扣實跟跑, 走勢成熟, 三月初再試一千米閘, 全程按實順走, 出腳有力, 步幅愈走愈大步, 勇態撩人, 此匹紐西蘭馬, 之後運往澳洲訓練, 今次初出已有八成水準, 有力橫掃.