外匯請教

>> 師兄你好
>> 突然pm你
>> 小弟最近想開倉試下接觸外匯
>> 請問師兄可否分享一下你初初如何接觸外匯 ?
>> 又有沒有什麼書籍是藉得一看 ?
>> 先謝謝,阻你數分鐘

有人PM我, 我都唔知點答...  
如果初學, 留意下呢三個人貼既文章: 蘇子, 羅家聰, 丁世民
蘇子比較技術因素高, 羅家聰及丁世民睇大勢. 不過, 近來蘇子及丁世民睇淡美元. 羅家聰"賭"睇好美元.

當然, 三人都有分岐, 亦都同市場有時差, 即係, 睇大勢既人, 會預先估, 預先既程度可以遠到幾個星期至幾個月. 所以, 唔可以信得太近. 技術分析比較睇近, 但係轉勢前及一轉勢, 就會好亂下咁. 而且有後知後覺既味道. 不過, 就要注意下技術分析既位置. 睇大勢既人通常都係逆市而行. 但係又up唔出幾時轉勢.

所以, 睇醫生要睇幾家, 睇外匯分析都係差唔多.  內地既文章, 通常都係市場去左就講左, 市場去右講去右, 再加d當時既路透社消息支持, 所以不看也吧.