黐手係唔係只有詠春同螳螂先有??

個人習詠春,太極十年的意見:

黐手,甚至推手,唔係只練什麼感覺,而係係一個set定的情況下,即係埋左身,你要練到可以唔比人打到而自己可以打到人,化開人,仲要打完又再防守番。黐手及推手分別當然係手法,步法不同,但係目的其實近似,同埋太極係以推代打。

即係練得好的黐手,我唔理你咩拳,練之你比我埋到近身,我就有信心,我打到你,你打唔到我,我化開左你就會即刻打你一野,跟住防守番,或控制住你。所以很多人講黐手只係練感覺,唔係用來打人的,其實我不同意。當然,要有着呢個目標去練黐手,黐手就好要求每個動作,用力的合理性,實用性,時下的黐手就當然不能達此要求,因為本身的方向己經有問題,發展出來的練習形式也不會合乎我所講的方向。