昨日車住一家大細去竹園果頭，走果時沿竹園道落番聯合道再沿公主道回家，但去到竹園道右轉廣播道個燈位既時候，睇見地下個箭嘴只有右轉上廣播道，即刻打左燈準備過線，但望一望鏡，突然見到有架白色M3衝緊上黎，咁冇計啦，車住一家大細，唯有等佢行先，但當我收慢之際，兩架車已經去到燈口位，咁岩又係紅燈，我唯有 keep 住打左燈等綠燈再過線，係等綠燈果時，坐後面既屋企人同我講隔離部M3個司機對住我猛咁笑，好似暗示: 抵死，過唔到線....我梗想望下佢點笑啦，不過我女友坐隔離遮住左，佢又冇望，費事覺得好似撩事鬥飛咁，屋企人只係叫我右轉上廣播道兜個圈算啦....，我話唔使，最後綠燈等架M3開走左，後面有架小巴讓我先再過線。究竟我係咪真係有咩做錯?

點解無錯？
1. 竹園道落聯合道記得有四條線，咁都行錯？唔通你淨係識行條最快線既...
我唔係行錯，只係見到條線係轉右，所以打燈過番岩條線。

2. 屋企人話隔離部M3個司機對住你猛咁笑，你認為人地係話你過唔到線抵死，點解唔問下佢笑乜？人地望住廣播道講緊廣播道殺人事件唔得架？肯定左先話人嘛！
我只係講好似，我亦唔係肯定指責，如果係指責，我唔會問大家有冇錯。

3. 係右轉線道強行左轉，就算架小巴讓你，都係不依交通標誌行車，有鐵馬見到食硬告票再扣三分！
4. 你疑心咁重，點解你唔諗下個小巴佬係見到後面有鐵馬，特登讓你切線，存心靠害呢？你太唔謹慎啦！
咁我想請教，如果你係我，係咪都會先右轉上廣播道?