我係過來人，有D意見唔知幫唔幫到你。我第一份工係教師，做左6年，人工去到兩萬幾，最後頂唔順，quit左。我專修education出身，ALevel畢業以外無其他學歷，甘願出黎由低做起，初時搵份admin萬零蚊都照殺，比教師少一半有多，我慶幸自己走左出黎，轉工時無論親戚或朋友都話我傻，到而家佢地問我會唔會再教返書，我都好肯定咁答唔會。學校教師唔同補習，一定要諗清楚先好入行，樓上果位講得無錯，你應該去教育界個頁望下，你會知道果d教師有幾痛苦，有幾無奈(無奈係因為專科出身，教左咁多年，真係返唔到出黎，但又好痛苦)。

雖然出黎做admin 人工低一大截，但我每晚瞓得好好，未至於好愛而家份工，但唔會抗拒返工，唔會再亂發屋企人脾氣。我3年前做教師個時，話就話有二萬幾，但果幾年政府凍薪兼減point，工作量就幾何級數咁升，做唔晒要拎返屋企做，時薪黎計其實好低。而家教師要做好多同教學無關嘅工作，例如lunch要睇學生食飯，佢地食唔食得晒個飯盒都關你事，唉，有志要作育英材嘅，現實好可能會爭好遠。