緣份的邂逅
大家好... 今次係我第一次POST野上黎... 希望大家支持下啦...
等我自我介紹下先... 我叫"KANE"... 或者大家都可以叫我"小親親"...
今次想打既係我係呢3-4年期間發生既事...
就係發生左呢D事... 唔到我唔相信緣份呢2個字...!!
文筆可能唔係咁好... 請各位見諒...!!
好啦... 都開始講我既故事啦...!!
係我記得大約係2006年8月份左右...
本身我係去泰國5日既旅行...
因為我身體上有事... 而要係醫院住上了2個多月...
而屋企人就經我3寸不爛之舌講服左佢地3個人去旅行...
而定就乖乖地咁係醫院度...
到左佢地返黎... 就比相我睇啦...
同我講... 今次好好玩... 呢個導遊帶得幾好...
聽返佢地同我講係泰國果5日既行程... 真係好開心...
需然我冇得去... 但係可以分享到佢地既開心...
我已經係好滿足... 係我既記憶入面... 果時我仲同緊P一齊...
呢一次入左醫院都可以係話因為P...
記得果時同P一齊... 屋企人個個都好反對...
亦都可能係自己既任性而道之到咁...
果時我係醫院... P只係黎探過我3-4次...
每一次我都係喊既... 冇一次係開心...
次次都會係鬧交收場...
佢第一次黎探我...
P : "你點呀??!... 辛唔辛苦呀??!"
ME : "唔辛苦... 就算係點... 你係我身邊... 我都唔辛苦!!"
P : "真係既??!" (微微笑)
ME : "係真嫁!!... 冇呃你呀!!"
P : "你快D出院就好啦!!"
ME : "我都想!!" (有其他野諗緊)
P : "你做咩答到咁呀??!... 你有野諗緊呀??!"
ME : "冇呀... 邊有呀!!"
P : "你唔好扮野啦... 你有野諗緊既時候... 我點會唔知呀!!"
ME : "係既... 我係有野諗緊......!!"
P : "你諗緊咩呀??!"
ME : "我諗緊你幾時先肯同我屋企人講清楚我同你係一齊" (果時我同屋企人講同P分開左)
P : "遲D先啦...!! 唔好講呢D野啦"
ME : "點解要遲D先呢??!... 已經好耐啦... 一個月一個月... 次次都話遲D... 遲到幾時呀??!" (開始發火啦!!)
P : "我冇野做... 冇錢... 點上你屋企呀... 上你屋企都要買野啦!!"
ME : "你次次都係呢個直口... 你有工開果時... 有錢啦... 你又話冇時間... 其實你係冇心" (開始喊啦!!)
P : "唔係冇心呀.........." (我已經控制唔到... 唔比佢講啦...!!)
ME : "你其實想點姐... 我咩都唔同屋企人講... 幾時都幫你講好說話... 今次呢件事係點... 點解我會入左醫院... 我都係話我自己問題... 唔關你事... 我真係唔知你想點呀...!!" (已經失控了)
P : "你唔好咁得唔得呀??!... 次次都係咁... 次次都要嘈... 係唔係嘈完先安落嫁姐??!"
ME : "我唔想同你講呀... 嗚嗚嗚......!!" (我諗都冇諗到... 就跑返入病房啦!!)
呢個時候... P打比我... 打左好多次黎我都冇聽到... 點最後我都係心軟了...
ME : "喂!!"
P : "你做咩事呀??!"
ME : "冇事... 你唔洗理我...!!" (果時我仲喊緊)
P : "你唔好咁啦... 乖啦... 好唔好??!"
ME : "算啦... 我唔想聽呢D野... 呢D唔係我想聽既野!!"
跟住我就CUT左佢... 之後我因為果時喊得好西利... 令到自己好辛苦... >.<
果時咁辛苦... 我真係好驚... 唔知點算好...
之後我就慢慢咁訓著左啦... 果時真係好累... 每次同佢見面都係好夜...
因為要等屋企人走晒先可以見得... 次次都係唔見得光咁... 真係好辛苦...
第2日起身... 比琴晚冇咁辛苦... 好左好多啦...
""待續""
要放工啦...!! ^^