復活節我去左台北6日5夜, 5晚都係住深坑假日飯店,
又係book完先知原來唔係市中心

不過......去到個情況又唔係咁差丫, 第一間酒店夠新,
至於隔泄又不只於好似d人講得咁誇張

講真, 一早出門口, 多數行到9點幾10點都要返去啦,
唔驚冇車搭, 除非你好鍾意夜生活

不過有樣就真係唔好, 就係唔好諗住話行下累又或者買得多野,
返酒店休息下放底d野, 呢樣就真係唔得

住深坑, 去動物園啦, 去九份都好方便

第一日去未熟悉, 我係過左酒店對面搭巴士出捷運站,
好好彩遇到個非常之好人既台灣人,
帶埋我去士林夜市添, 搭公巴好方便好容易,
我都覺得係另類體驗, 去左咁多晚, 係去饒河街夜市搭過的士,
其餘都係搭公巴

因為要轉巴士返去深坑, 盡量我會直情搭巴士,
費事轉黎轉去, 上車有得坐就得啦,
好似係師大夜市, 其實行出去係有巴士返深坑架

我個人意見係, 住深坑冇乜問題呀,
不過就盡量利用公巴, 咁就唔洗轉黎轉去,
仲有就係利用酒店專車, 之後差不多日日我都係book酒店車出市政府捷運站,
訓醒先book, 冇位就book下一班, 次次都book到,
咁又方便好多啦

如果你想睇下我既行程,
上yahxx我個blog度參考下丫,
打返我個名就search度架啦, 雜貨舖呀.........

如果你有乜野問題, 我睇下盡量記得又知既就答你丫^_^

                                                                                                                                                                                                                       

係市政府搭架巴士返酒店係912號呀, 幾個字返到去啦, 唔算好耐之麻,
不過有時就等車要耐d, 繁忙時間3個字一班,
非繁忙時間半個鐘先一班架

出去我多數book酒店車, 旦係返就自己返去,
因為男朋友話返去此終時間唔定,
唔想下下限住哂

http://hk.myblog.yahoo.com/yyminnie/index?l=f&id=14