我叫阿心，呢個名係死鬼我豆老幫我改既，又可以話係我阿媽逼我老豆改既。因為佢埋怨我老豆對佢冇心，但又鬼咁花心，特登要佢幫我改呢個名，等佢日日都以此為鑑，真係搵我黎搞。呢個名聽起黎真係有D娘娘地，有D女性化，完全配合唔到我呢個堂堂男子漢，我曾經想過去改名，去到入境處度問，佢地要我填好多好多既form，仲要宣誓。我呢份人最鬼怕宣誓，因為我唔鍾意食生菜，亦都因為我唔鍾意對任何人做出承諾，我覺得呢D係一種好戇居既行為，你信得過我既，你就唔應該要我宣誓，你唔信我就唔好要我應承你D乜野，真係搵黎搞！我仲記得果個入境處職員問我想改咩名？我心諗，關你鬼事呀？我又唔識你，你又唔識我，你問咁多野黎做乜先？但係我見佢個樣都生得幾唔錯，咁咪同佢爹多兩句囉。「先生，你住係邊度咖？」佢咁都仲要問，我咪寫左係張form度囉，我心諗，佢攞明就係想媾我。佢都算係好彩囉，因為我呢份人好易話為，我完全唔介意女方採取主動，我更唔會覺得佢地cheap，要知道男歡女愛係平常不過既事，根本就冇得揀，亦都唔可以「棄權」，亦都唔會有人咁豬，咁變態去學人棄權，真係會棄權既人，一係就係世外高人，一係就係冇人吼既人，為左保存面子，所以懶清高，不食人間煙火。但係我會專重佢地既決定，但係佢既人生一定唔會比我精彩，因為佢地唔會知道，亦都未曾試過咩叫做靈魂既最高點。我真係戥佢地難過，亦都戥佢地既父母不值！「先生，你係度簽個名丫。」佢把聲都算係幾甜，可惜有D造作，無啦啦高八度黎講野，駛唔駛咁見外呀？話哂我由朝早到同佢對話果陣時，我地都算「相處」過丫。佢由唔係向我賣保險，駛唔駛咁高音黎同我講野呀？好多人都有個誤解，認為高八度講野就叫做有禮貌，都唔知邊鬼個諗出黎既？用高八度黎同我講野，我完全感受唔到佢既誠意，我只覺得佢得個「假」字。佢追得我既，就唔好咁假，大家唔拎出誠意黎，我真係好難同佢繼續落去咖喎，但係我畀面佢既美貌，我盡量去包容佢，接受左佢。「你等嗌名啦！」嗌名？嗌邊個名？嗌你個名定係我個名？係果陣時，我個腦裏面淨係得佢個名，王少霞。一個好似好簡單，但又好似好複習既名字。「先生，你個名．．．．．．」佢有D怕怕地醜咁同我講。「咩事呀？」我好輕佻反問番佢。佢冇答我，只係搵支原子筆指住張form畀我睇，我沿住佢隻手，佢淨係油左光油兼有少少花既手指甲，跟住佢支原子筆一直望落佢，我見到「王少霞」三個字，實實在在寫左係我張form度．．．．．．

口語小說極難寫得好，而且，看了第一篇，還沒有看出什麼來。

樓主加油吧。

真係好複雜bor...

你睇住黎啦~                                                                                                                                                                                                                                                                                               

點複雜呀又?

我地兩個人，四塊面都一齊紅左，佢仲dup低個頭，好似我岩岩話畀佢知，我鍾意左佢咁，真係得咖喇佢！我硬住頭皮頂硬上，輕輕咁拎番張form，用大大個交叉刪左佢個名，雖然有D唔捨得，但係我都要咁做，佢更加有D失落，好似我對佢唔住咁。入境處地方雖然大，但係冇塗改液，我唯有€係好有限既地方寫番我個名落去，我個名寫得好細，仲細過粒黑豆，有寫等於冇寫。寫完之後，我好瀟灑咁fing番張form入去，佢一粒聲都唔出，頭dup-dup 咁行開左。我一直企响度，因為佢冇講我應該點做，我係度諗，我應該繼續企係度等佢丫，定係番埋位等嗌名呢？我開始有D好唔自在，我好似覺得我背後有好多對眼望住我咁，€係度好好奇咁睇下我點樣媾女。我當時先至知道，原來就咁齋企都幾係野，條腰都D酸添，但係企左咁耐，無啦啦咁番埋位，咁人地實覺得我好戇居，所以我繼續堅持落去。我左腳踩住右腳，踩倦左，我又用右腳踩番住左腳，就係咁，我先至捱得到半個鐘。「先生，有乜野可以幫到你呀？」突然間有肥職員行埋黎，佢唧起個笑容同我講，佢好似係王少霞派黎招呼我，佢又好似知道頭先我同王少霞之間既事咁，因為我覺得佢果個笑容好唔自然，好似係度恥笑梗我咁。「你個申請而家幫你做梗，你等嗌名就得咖喇。」你早響啦阿姑。於是我帶住好沉重既步伐行番埋位。€係我行番埋去既時候，我見到在坐有一個阿伯對住我笑，佢笑得好友善。我左望望右望望，證實一下佢係咪對住我笑，但係我真係唔知佢笑乜，於是我扮見佢唔到，走去後面個行坐，但係佢又突然間又擰轉個頭黎同我講：「先生，攞身份證呀？」我唔係好想同佢講野，因為睇到佢又疏又唔齊既煙屎牙就唔開胃。「係。」我一個字都唔多，就咁冷冷淡淡咁應佢一聲，我唔想畀人覺得我冇禮貌，因為自問我都算係受過九年免費教育既人。「X佢老X！佢地班臭X，都唔知搞乜X，我等左成粒鐘都未到我，我ｘ（下刪二百字）」，我真係唔明，唔明男人一唔高興就要X人，唔通唔X人就表達唔到佢地既情緒，表達唔到佢既能力咩？呢位阿叔講野時會有D口窒，但係一講起粗口就如行雲流水，流暢到不得了，有如電台既名嘴一樣，叫佢分析佢就而依哦哦，但係一鬧人唧，就好似機關鎗咁，淝到你駁唔到嘴。再講，粗口呢樣語言，無論€係邊個國家都好，意思都一樣離不開那種行為，
唔講那種行為既就唔算係粗口，因為對人最最最大既侮辱，都係呢種行為，講到底，人類同禽獸既分別就係一個係想做就去做，一個就係大隻講，齋talk！照心理學家分析，呢D人係低平常人一等，而且表達能力低，所以先至會成日將粗口掛€係嘴邊。

我雖然唔係第一次聽人講粗口，但係亦都唔係好經常講粗口既人，但係一時間聽埋一連串好似機關鎗掃射耳膜既粗口，真係有D刮耳。講真如果佢唔打我既話，我真係好想用我隻鞋塞住佢個嘴，之不過呢位阿伯，年紀都有番咁上下，做得我老豆有餘，我真係落唔到手，唯有扮有電話黎，側側膊咁撇。我足足打左二十分手機遊戲，打到眼都朦埋，真係好想返屋企恰下，我如果唔係咁無聊，我真係唔會打呢D打機遊戲，你話喇你話喇，個手機螢幕咁細，就算個display既解像度有幾高，都係一個好細好細既畫面，絶對唔適宜用黎打game，但係每逢搭港鐵，都好容易見到D人€係度左撳右撳，對眼即時變成鬥雞眼，如果政府為市民健康而禁煙，咁我都唔該佢€係公眾地方都禁打game！讀書做野又唔唔見佢地咁勤力，打機就打到抽筋都要打，如果將佢地既精力用黎搬泥，十座扯旗山都鋤得平啦！我個心開始有D焦躁，人有三急之中，我起碼有兩急，之但係我張身份證仍然係王少霞手上，我好歹都要等落去。我用力咁gut高個頭，見到阿王少霞去左另一個窗口做野，好似擺低左我份野唔理咁，我唯有死死氣咁行去問佢。我一行埋去，我同佢即刻四目交投，兩個人都唔知為乜咁對望，望左成五鈔鐘咁耐，我樂意奉陪。之但係五秒之後，佢就好似好唔捨得咁dup低個頭，扮見我唔到咁繼續做野。打蛇隨棍上，得勢就梗係不饒人啦！我亦步亦趨，放慢腳步，雙手插袋咁大步大步咁行過去。我行櫃台前，一隻左手手踭撐住半身，側住個頭成三十二度，視線向下二十八度。我咁既姿勢除左可以避開佢既視線之外，亦係因為呢個係我最殺食既角度，呢個角度係我影完一百八十張自拍相之後所得出既結果，亦都係我同我阿媽硑究左成晚既結果。「乜原來我個仔可以咁靚仔。」就憑佢呢一句，我好樂意不厭其煩咁重複呢個姿勢，去同我既知音者分享。我維持左呢個姿勢成三分鐘，打破哂我兩年前兩分二十秒既紀錄，之但係要維持呢個姿勢真係要唔容易，除左而下盤穩定之外，左手亦要有相當既耐力。「先生，有咩可以幫到你呀？」呢個王少霞仍然都係咁生外，係都扮唔識我，扮唔記得我個名────矜持嘛，我明白，我相當明白，女仔心理我非常明白。「幾－時－輪－到－我－」用持登壓低把聲，擎住一啖啖€係口嚨仃，做出沙沙啞啞既聲音，性感到我都有點毛管戙，更何況佢係一個女仔呢？我真係好想知道€係果一刻既感受，雖然我睇唔到佢既面部表情，但係由佢微震既玉手可知，佢內心係幾咁震撼呢。「吓？」我本來好憎人唔留心聽我講野，要我費唇舌再講多次，但係佢開到聲，示哂意咁，我冇理由拒絕佢既要求，因為令人震撼既聲線，真係可遇不可求．．．．．．

真係好複雜bor...

謝你個分享

你睇住黎啦~

點複雜呀又?

  我地兩個人，四塊面都一齊紅左，佢仲dup低個頭，好似我岩岩話畀佢知，我鍾意左佢咁，真係得咖喇佢！我硬住頭皮頂硬上，輕輕咁拎番張form，用大大個交叉刪左佢個名，雖然有D唔捨得，但係我都要咁做，佢更加有D失落，好似我對佢唔住咁。入境處地方雖然大，但係冇塗改液，我唯有€係好有限既地方寫番我個名落去，我個名寫得好細，仲細過粒黑豆，有寫等於冇寫。寫完之後，我好瀟灑咁fing番張form入去，佢一粒聲都唔出，頭dup-dup 咁行開左。我一直企响度，因為佢冇講我應該點做，我係度諗，我應該繼續企係度等佢丫，定係番埋位等嗌名呢？我開始有D好唔自在，我好似覺得我背後有好多對眼望住我咁，€係度好好奇咁睇下我點樣媾女。



   我當時先至知道，原來就咁齋企都幾係野，條腰都D酸添，但係企左咁耐，無啦啦咁番埋位，咁人地實覺得我好戇居，所以我繼續堅持落去。我左腳踩住右腳，踩倦左，我又用右腳踩番住左腳，就係咁，我先至捱得到半個鐘。「先生，有乜野可以幫到你呀？」突然間有肥職員行埋黎，佢唧起個笑容同我講，佢好似係王少霞派黎招呼我，佢又好似知道頭先我同王少霞之間既事咁，因為我覺得佢果個笑容好唔自然，好似係度恥笑梗我咁。「你個申請而家幫你做梗，你等嗌名就得咖喇。」你早響啦阿姑。於是我帶住好沉重既步伐行番埋位。



   €係我行番埋去既時候，我見到在坐有一個阿伯對住我笑，佢笑得好友善。我左望望右望望，證實一下佢係咪對住我笑，但係我真係唔知佢笑乜，於是我扮見佢唔到，走去後面個行坐，但係佢又突然間又擰轉個頭黎同我講：「先生，攞身份證呀？」我唔係好想同佢講野，因為睇到佢又疏又唔齊既煙屎牙就唔開胃。「係。」我一個字都唔多，就咁冷冷淡淡咁應佢一聲，我唔想畀人覺得我冇禮貌，因為自問我都算係受過九年免費教育既人。「X佢老X！佢地班臭X，都唔知搞乜X，我等左成粒鐘都未到我，我ｘ（下刪二百字）」，我真係唔明，唔明男人一唔高興就要X人，唔通唔X人就表達唔到佢地既情緒，表達唔到佢既能力咩？呢位阿叔講野時會有D口窒，但係一講起粗口就如行雲流水，流暢到不得了，有如電台既名嘴一樣，叫佢分析佢就而依哦哦，但係一鬧人唧，就好似機關鎗咁，淝到你駁唔到嘴。



  再講，粗口呢樣語言，無論€係邊個國家都好，意思都一樣離不開那種行為，唔講那種行為既就唔算係粗口，因為對人最最最大既侮辱，都係呢種行為，講到底，人類同禽獸既分別就係一個係想做就去做，一個就係大隻講，齋talk！照心理學家分析，呢D人係低平常人一等，而且表達能力低，所以先至會成日將粗口掛€係嘴邊。

  我雖然唔係第一次聽人講粗口，但係亦都唔係好經常講粗口既人，但係一時間聽埋一連串好似機關鎗掃射耳膜既粗口，真係有D刮耳。講真如果佢唔打我既話，我真係好想用我隻鞋塞住佢個嘴，之不過呢位阿伯，年紀都有番咁上下，做得我老豆有餘，我真係落唔到手，唯有扮有電話黎，側側膊咁撇。



   我足足打左二十分手機遊戲，打到眼都朦埋，真係好想返屋企恰下，我如果唔係咁無聊，我真係唔會打呢D打機遊戲，你話喇你話喇，個手機螢幕咁細，就算個display既解像度有幾高，都係一個好細好細既畫面，絶對唔適宜用黎打game，但係每逢搭港鐵，都好容易見到D人€係度左撳右撳，對眼即時變成鬥雞眼，如果政府為市民健康而禁煙，咁我都唔該佢€係公眾地方都禁打game！讀書做野又唔唔見佢地咁勤力，打機就打到抽筋都要打，如果將佢地既精力用黎搬泥，十座扯旗山都鋤得平啦！



   我個心開始有D焦躁，人有三急之中，我起碼有兩急，之但係我張身份證仍然係王少霞手上，我好歹都要等落去。我用力咁gut高個頭，見到阿王少霞去左另一個窗口做野，好似擺低左我份野唔理咁，我唯有死死氣咁行去問佢。我一行埋去，我同佢即刻四目交投，兩個人都唔知為乜咁對望，望左成五鈔鐘咁耐，我樂意奉陪。之但係五秒之後，佢就好似好唔捨得咁dup低個頭，扮見我唔到咁繼續做野。打蛇隨棍上，得勢就梗係不饒人啦！我亦步亦趨，放慢腳步，雙手插袋咁大步大步咁行過去。我行櫃台前，一隻左手手踭撐住半身，側住個頭成三十二度，視線向下二十八度。



   我咁既姿勢除左可以避開佢既視線之外，亦係因為呢個係我最殺食既角度，呢個角度係我影完一百八十張自拍相之後所得出既結果，亦都係我同我阿媽硑究左成晚既結果。「乜原來我個仔可以咁靚仔。」就憑佢呢一句，我好樂意不厭其煩咁重複呢個姿勢，去同我既知音者分享。我維持左呢個姿勢成三分鐘，打破哂我兩年前兩分二十秒既紀錄，之但係要維持呢個姿勢真係要唔容易，除左而下盤穩定之外，左手亦要有相當既耐力。「先生，有咩可以幫到你呀？」呢個王少霞仍然都係咁生外，係都扮唔識我，扮唔記得我個名────矜持嘛，我明白，我相當明白，女仔心理我非常明白。



   「幾－時－輪－到－我－」用持登壓低把聲，擎住一啖啖€係口嚨仃，做出沙沙啞啞既聲音，性感到我都有點毛管戙，更何況佢係一個女仔呢？我真係好想知道€係果一刻既感受，雖然我睇唔到佢既面部表情，但係由佢微震既玉手可知，佢內心係幾咁震撼呢。「吓？」我本來好憎人唔留心聽我講野，要我費唇舌再講多次，但係佢開到聲，示哂意咁，我冇理由拒絕佢既要求，因為令人震撼既聲線，真係可遇不可求．．．．．．

                                                                                                                                                                                                                                                                                                                                                       

可以分段嗎?
我答應如果你分得好看一點, 我一定會看完它!

Peter哥,
就憑你呢一句, 我以後都分段啦! 多謝捧場 (等我仲以為冇人睇添)