「你等等．．．．．．」她仍然用呢句話黎敷衍我。




  其實大家都係年青人，好應該有碗話碗，有碟話碟，將心果句說出黎先係。因為大家都係萍水相逢，今日有幸見面，而且一見如故，好應該多D交流一下，如果錯過左呢個機會既話，都唔知要仲有冇機會可以見面。我又唔知佢既電話，佢又唔知我既電話，到時想搵番大家都好難，唔通好似電影「向左走，向右走」咁，要兜一大個圈先至可以喺埋一齊？我地小學都成日唱啦：「我的青春小鳥一去不歸來。」




  佢又係咁，就咁就走佢去喇，都唔知佢真係做野，定係扮幫我做野，而家我既主動權完全落喺佢既手中。其實我都幾欣賞佢，佢識得用佢既職權黎留住我喺度，至少可以望多我一陣，而且做到好似毫不著跡咁，咁樣可以保存佢嘅面子，喺呢一方面佢真係做得好好，好到我比唔上佢，但係點都唔可以走甩我雙眼。




  好多朋友都話我自作多情，每逢我向朋友講番我嘅經歷嗰陣時，佢哋都笑到咩咁，完全唔相信我嘅魅力，我明白，我非常之明白，吃不到的葡萄係咩味嘅。咁我以後咪當講笑話咁囉，等我D朋友笑免費笑一餐都好呀！抵得過佢哋唔信唔信，但係又要伸個頭埋嚟，豎起隻耳仔聽呀。上天真係唔公平，雖然佢只係造咗兩個性別咁大把，但係每個性別嘅質素就有好大嘅差距，你話喇你話喇，佢係咪搵嘢嚟搞呢？




「先生，其實你走得咖喇．．．．．．」喺二十分鐘後，王少霞嘅女性同事，煞有介事咁同我講。「點解呀。」我問。「玩呀？」呢句我只係喺心裏面講。話哂王少霞喺度，我無理由咁快就自己幫自己破壞形象咁豬嘅！「我哋會寄信通知你嚟攞番張新嘅身分證咖喇。」聽到呢一句，我塊面突然間喺兩秒之內急速升溫，熱到我眼鏡上有水蒸氣凝結喺度，阻擋咗我嘅視線。我望住眼前呢個連佢阿媽都唔認得嘅女職員，露出好無奈嘅神情，欲罵不能。比著我喺我未遇到王少霞之前，我已經一早鬧到佢狗血淋頭，再拍枱拍凳，叫哂佢嘅經理兼祖宗十八代出嚟。但係喺我嘅未來情人面前，我真係要收歛一下，保持我家傳獨有嘅風度。我咬住我嘅下唇，咬到差D出拔甩咁滯，已經痛到唔知痛，因為我嘅怒心已經蓋過哂一切。一滴汗由頭頂滑過我嘅後腦，穿過過千嘅髮根，流過我嘅頸背，再經過我嘅背坑，結集好多好嘅汗珠，一時間即變成一道河流，「啜」一聲跌到落我嘅undee度，再喺上面化成一灘死水，佢由熱變冷，加上室內冷氣嘅吹拂，搞到我忍唔住打咗個冷震。




「先生，你冇事吖嘛？」我忍住度氣，足足望咗佢成分幾鐘，嗰位女同事好似好關心，又好似好奇怪，又好似想笑唔敢笑咁問我。




  我都唔知點答佢好，我亦都唔點樣可以落台，唔駛樣衰衰咁行番出去．．．．．．

THANKS FOR SHARING

對不起...
請問連第一、二、三篇也能夠分段嗎-0-?
不然實在提不起勁看下去的說...

=,=

真係唔子意思, 我真係唔夠專業, 分段都要人提, 希望你見諒, 多謝觀賞, 請多多指教.

見你分好段的心機 我就重新看一次了
口語我部份我也不作多話
只是希望一下放文前都重新看一下有沒有錯字/漏字

至於內容方面
還沒有看到什麼感覺
因為時空飛來飛去十分混亂
時而飛到朋友說笑,時而飛到接著上文的事

整體來說 我不會評xd"

多謝指教! 我會好好咁改善一下~thx